قد اسرنى حديث الاخوان خلال الفترة الماضية حتى ظننت اننى سأطلق لحيتى التى لا تنبت فاننى والله اعلم من الجنس الاملط وسأشرع في ارتداء الجلباب الابيض واحضر به الندوات وسأمتثل به بين يدى المحكمة اثناء المرافعة مما قالوه عن الفئة المندسة والتى تسعى لخراب مصر علي اساس انها ما خربتش وذادت شوية علي ايدهم
وكنت ساخرج علي الفئة المندسة واطيح فيهم ضرب بالبلغة حذاء يطلق عليه الفرنجة (سابوه)
وانا لما بغضب ما بعرفش الملم روحى الا لما انصر الاخوان يعنى اخر اخبار ان البرادعى مولع البلد وبيساعده حمدين وعمرو موسي انا ما صدقتش الاشاعة قلت لازم يا واد يا سليمان تروح تقعد مع حد من الاخوان وتسأله عن الفسق اللي بيحصل وفرصة اشوف عنده حلابية وعباية ودقن اذا امكن وبما ان الاخوان بيعترفوا ان المرأة مخلوق مثير جنسيا وان الراجل مننا لو شاف كعب مره هيـ..........
يبقي اسأله عن شريطين مقوى أكيد الناس دى بتتعب واللي يتعب ما فيش غير الست اللي هتنسيه مش كده
المهم انا روحت قعدت معاه شويه وداربينا حوار مثمر
_ السلام عليكم ورحمة الله وبركاته
= وعليكو السلام ازيك يا شيخ سليمان
- والله حالي ميسرش
= استغفر الله انت هتعترض علي قضاه
- والعياذ بالله انا قصدى اللي بيحصل فى مصر
= ربك رايد كده انا هفهمك
(اصطنعت انى تعبان علشان الاكل والجلابية والمنشط والذى منه)
- لا بالله عليك انا جاي من الشغل وكنت صايم ولسة ما كسرتش صيامى
= الله يصلح حالك بس انت الاصول تعجل الفطور
- قدر الله وما شاء فعل
= يبقي اخد صواب تفطيرك يا ..... يا.....هاتى عشا للاستاذ سليمان
- ليه كده هنكلفك
= لا كلفة ولا حاجة انت عارف الحل في ايه
- قولي انت
= الحل ان الريس يروح يقعد مع البرادعى وحمدين وعمرو موسي
- اشمعنى
= مانا جاي لك في الكلام اهو بس اجيب الاكل واجى
- اتفضل _ خرج_ معقوله هو الريس بيروح يقعد مع حد في البلد دى . انا
= اتفضل يا استاذ
- ما شاء الله ايه ده كله
= يا راجل ده فضلة خيرك اصل د.عصام العريان عمل وليمة بمناسبه عقد قران احمد مرسي علي زينة البنات بنت د. هشام
- بالرفاق والبنين بس مش كانت بنتك اولي ده كفاية انها متخرجة من بيتكم
= هو الريس هيجوز ابنه لبنتى معقوله
- وليه لأه كلنا من تراب
= الله اللـــــــــــــــــــــــــــــــــــــــه يا استاذ
- ما قلتليش هو ممكن اجيب جلابيه بيضه خلوة منين
= انا ههاديك بكام واحدة وكام سروال اصل انا ماسك الكساء الشعبي في الجماعة
- الله يزيدك اشوفك وينج ليفت
= لا انا مش عايز اكون جناح خلينى في الماليات اصل ده تخصصي
- ومعاليك خريج ايه يا شيخ
= انادبلوون تجارة
- والمبلد حلها ايه
= الريس يعرض ان واحد فيهم يمسك البلد ساعتها هيخبطوا في بعض
- هو ده الكلام الحمد لله بس الوز ده مش تقيل
= يا راجل ده انا بفضل من ربنا واكل وزة لواحدى
- والله تستاهلها وانا هقدم لك حاجة حلوة تهضم وتنسي التعب
= ايه
حاجة مقوية
= انا في سرك معايا ملك النمر بنوزعه علي الاخوة اللي تعبانين
- طب شوف لي هو انا مش منكم ولا يرضيك اطلع دكر بط
= وز يا استاذ انما انت كنت هتدينى ايه
- لا حول ولا قوة الا بالله تخليك اسد استأذن انا
= والجلابيه
- ابقي البسها وانسي ان مرسي يقعد مع حد
بكل اسف هذا هو حال الاخوان لا فرق بينهم وبين باق المصريين طعام ومتعة ولغو ليس الا
مرسي صرح في اولي ساعات الرئاسة انه لن يستخدم حرس والان يصلي والحرس فوق راسه
ابنه افاد بانه لن يشترك في السياسة وقد ارتبط بابنة رئيس الوزراء
حرموا دماء المصريين مسلم ومسيحى وقتلوا منا وسحلوا منا من سحل
ان مصر لاتحتاج الي شعارات ولن يصلح حالها جماعة كاذبة ترغب في المناصب انما الى مصريين يعشقون ترابها
