لوتعرفي

https://www.youtube.com/watch?v=CgFRfyEgGaY

لو تعرفي انا قد ايه موجود تملي في سكتك وحلم دافىء لسة تحت مخدتك

انا قوتك حريتك حنيتك .. وتهورك وحكمتك وئـلفـتـك وغربتك ورغبتك في الحياة في الحياة

وهل افترقنا مش صحيح الحب غير كل شيء هل افترقنا مش صحيح الحب غير كل شيء

والروح تبوح بأسرار اللقى لحظة ميلادنا كل يوم والروح تبوح بأسرار اللقى لحظة ميلادنا كل يوم

والروح تبوح بأسرار اللقى لحظة ميلادنا كل يوم كل يوم

ليه ترسمي الكون الوسيع صندوق ورق استسلمي واحلمي بكون جديد ومختلف

واللي نلاقيه هوة المهم واي شيء بنخسره ماهوش مهم

ومستحيل الحلم ممكن يبتدي من غير وصال بين البشر

ونجوم كتير بتتولد حين نلتقي ونجوم تموت لو نفترق

لو تعرفي انا قد ايه موجود تملي في سكتك وحلم دافىء لسة تحت مخدتك

انا قوتك حريتك حنيتك .. وتهورك وحكمتك وئـلـفـتـك وغربتك ورغبتك في الحياة في الحياة

ذكرياتى البالية

اصل الحكاية

عايزة تعرفي اصل الحكاية
 طب ازاي
والحكاية مالهاش نهاية
 الحكاية اصلا مالهاش بداية
هى اصلا متلغبطة
متشقلطة زى كحك العيد
اي عيد مافيهوش جديد
لاننا عمرنا
ماكان لينا عيد
اتولدنا اتقابلنا
عشقنا همنا
وافترقنا
واتلاقينا وافترقنا
انا وانت متكررين
لنا لويس ولا انت بمبادورة
احنا مش معروفين
لا لينا فن ولا لينا كورة
احنا يا روحى ممسوخين
منسوخين من الف لوحة متقلدين
بس ممكن تكون لينا مواقف كتيرة
وتجارب مريرة
ودموع سايلة ع الخدين
حكاوينا علي اد الايد
زى احلامنا تتعد علي صوابع الايد
كان حلمى ابقي زجال
واقول اشعار
وامدح فيك انت بالذات
مش بكتب شعري لاي بنات
ماحلمتش يتغنى بشعري
دياب ولا تنقال ادام سادات
كان همى
 الاقي فيكى حضن امى
وتجيبيلي البت
ولو جه واد يبقي سندى ع الدنيا
بس انا عايز بت
هخليها ست
وست الستات
هسقيها علم فولتير
وحكاوى مونتير
واحفظها كتاب الله
وتقلد عباسط والمشاوى وبشير
كان نفسي
اتجمع انا وانت في بيت
ويبقي عندنا غيط
ونسهر ليلة الجمعة
نقرا الكهف والدخان
كان نفسي في احلام
 تتعد علي صوابع ايدى
لكن قدري ونصيبي
انى اشوف موتى
وماتبقيش نصيبي
طب اصارحك
لسايا بحبك
لسايا بدوب لما اسمع اسمك
ووشي بيحمر
وسنانى بتبان
ببقي فرحان
طب فاكرة لما قابلتك صدفة
وبعد غياب
حسيت انى هربان م الكُتاب
ورايح اقابل جارتى في السرداب
كان نفسي عقارب الساعة تموت
والوقت يمسمر مايفوت
وانا عارف انك مشغولة
وعدتى بكلمة ومسئوله
والكلمة في حنكى مشلولة
خايف اقولها
لتهرب منى زملتى
ومتقابلنيش
عامل فيها سبور
وانا اصلا اللي خلفنى شاويش
عارف انك محتارة
متغالطيش
محتارة مابين الحق وبين الزور
وانا متكتف مانا عامل فيها سبور
بس مابينى وبين نفسي
عمري ماكنت فرفور
وعشان انت مش حسانى
فالاسلم انى احبك
وقلبك يسلانى
وأصل الحكاية ماتسأليش

ساعة أرقام

ساعة أرقام
والارقام من زيرو لتسعة
والاعداد بتزيد وبتسعى
تولد لينا ايام وسنين
ساعة محبة
وساعة حنين
ثانية عشق
تكفي سنين
وبينى وبينك
ساعة حب وساعة فقر
ساعة عشق وساعة قهر
وسنين رابضه بخانة الصفر
وغيرنا اصطاد سنين العمر
جيوبنا خاوية ع البناطيل
الدخل قليل
والمطلوب محتاج تفصيل
والجسم عليل
ولا الف جراحة تسد الخانة
انا بدنى نحيل
والناس مش بتصدق
انى فقير
ما لسانى طويل
مايسكتنيش غير جرس الساعة
بتقول مواويل
: يا عينى يا ليل
يا ابو الليالي يا ليل
عيل ولف البلاد
من شرقها لغربها
لطعته علي قفاه
قال بعلو صوته ربنا يسهل لها
ضحكو عليه الضعاف
مايعرفوش انه اقوى منها
لكن عبيط اللي يعادى الحياة
لو يوم يقف في وشها
تفرمه تحتها

الخسارة

الخسارة
.............
لما تعيش طول حياتك
في سلام
ولما ماتفارقش شفايفك الابتسام
ولما تاخد وتدى في الكلام
وماتلاقيش حد يعارضك
تبقي خسارة
هتفضل زى ماأنت
عايش مسالم
لا لك ولا عليك
هتتجوز وتربي العيال
والعيال تجيب عيال طراي
لا بينبشوا ولا يخربشوا
ولا ليهم ولا عليهم
عايشين زى المواشي
بتشقي أه بس مواشي
لو مافيش راضيين بماشي
ويخدوها مشي من قبلي للمناشي
وكله ماشي
لكن الفراق
بيصنع كتير
بيحدد مصير
زى الم لطعهولي زمان مدرس
علمنى اكتر م الدروس
اللي درستها في المدارس
ألم صنعنى اكتر من انه في لحظة كسرنى ادام صحابي
اكتر من انه وجعنى
وقفت يومها
صرخت بكل جرأه
كس أم دى مدارس
الحرب صنعت رجال
وخلفت وراها اسامى
الحقد والغل رفع ناس عندها امل في بكرة
والألم اللي لسه حاسس بصوابعه علي خدى
هو اللي شجعنى ابقي انا
رغم انى
كنت يوم م المواشي باكل وانام
في الشونة عصفور وطاير
طلباتى اوامر
خمرة اشرب وادخن سجاير
يا حبيب العمر اوعي تنسي
انك جزء من المعركة
صحيح فراقنا في البداية
عمل لي الف دربكة
لكن رب المعارك مقامه فوق
وهو اللي قادر يعكرنى
وقادر يخلينى اروق

اذهب اليه انه هام بك

بالسلامة
مليون سلامة
ومتزعليش
بكرة احلي
من كل يوم
مهما عشت
ومهما اعيش

معلقتى

معلقتى
..............
حياتنا معلقة
بين السماء والارض
واخرتنا معلقة بكلامنا
بافعالنا والقول يخدش العمر
 كما يخدش العرض
لكن اراضينا بلا ارض
واعراضنا !!
هتك لنا الف عرض
ففي البداية كنت معلقتك
كنت لك سماء
كنت لك الف ارض
كنت لك الاب
فلم يفي ابوكى
بابوة الاب
كنت لك الها ورب
ولم اكن الاله ولم اعلن للبشر
ان اعبدونى فانا الرب
كنت لك الرداء
كنت الرجال والنساء
ترينى نجم السماء
ونجم البيداء
والنخل والكروم
وتفاح نهديك
والفول والالبصل والقثاء
انا لك السلوى والشهد
والذ من لحم الظباء
كنت دنياكى
حنى اتاك النداء
انا المبتلي
انا ايوب يا اقرب الاوفياء
فلم اجد لك طاقة
وهذا هو البلاء
الا تعلمين انه أتيةعاشوراء
ففيها خرج يونس من بطن الحوت
فيها عاد يوسف لابيه
وقد اختار له اخوته ان يموت
فيها انقذ الله موسي من فرعون الطود
لكنك لم تر فيها الا مقتل الحسين
وهلاك اهله
حبيبتى ويعز عليّ ان أقولها
بعدما كانت للسان ظله
لست الحسين وما انت بانثي من نسله
كنت لك معلقة
حتى بك تعلقت فاخترتى معلقة غيري
يكن لك الرفيق
ربما كان الذ اطيب انعم
ادفء حديث لطيف
ناعم رقيق
تشع منه العطور
ويشع من بين اصابعه
انعكاس نور
لديه ماليس عندى
راكب الجاجور
مالك القصور
المتفوه بالجا والبونجوور
رشيق كما العصفور
هاهو ملك الزمان اتاك
بلا ودع او بخور
بلا بحث وتنقيب . امير وقور
تحترمه النساء
اليس في الامور امور؟
لم تر فيه الا عوض الاله
اتاك ببراق بعد الحانطور
لكن براقك طائر زائف
فالبراق للانبياء
لا للنساء
البراق للصادقين الوفياء
البراق لا تركبه نساء
البراق ليس لك يا حواء
طائرك معلق بين افخاذ النساء
لا هو انثي تبتغي الزفاف
او رجل كما بدو البيداء
معلقتك تبهرها ارداف البلهاء
واردفت : لن تكسرنى الجروح
لن ارتطم بحجر لن اروح
لن افصح عن جرحى لن ابوح
وتعلقتى بمعلقة الزواج والنكاح
نضج عقلك . هدأ الفؤاد؟
مزقتى معلقتك الاولي بارتياح
وانتخبتى لنفسك زيجة
ورأيت بك الكبر بارتياح
وودعتك وانا ادرك الخاتمة
انت كما انت
تلميذة بلهاء لست المعلمة
ستظلين قارئة
لن تنسجين بيت لا معلقة
وعدتى من بعد رحلتك ممزقة
لا تغضبي فانت مارقة
ولا تيأسي فانا لك الاب
ساظل معلقتك لكننى سأمارس عليك
لعبة الاله الرب
فحين تأيبي تذكري
اننى يومئذ الامر الناهى
انا الراحم القاسي
انا إمامك كل صلاه
انا لك الموت والحياه
لا قمر الا انا فانا ضياه
انا الليل يا ليل حتى منتهاه
انا يومئذ الضياء والنهار والضحى
 والبهاء
انا الموج والنوة والصفاء
انا الارض والسماء
انا كل الرجال
انا الذكاء
انا اكذب
 انا اكذب
اكذب فانا لك رداء
انا احن عليكى من نهدى امك البلهاء
يا اجمل من رأيت من النساء

يارب يا بورة

يا ليل يا جامع على الود قلبين
لك عادة تيجي مع قلوب الولايف 
قلبين ضمتها الضلوع الليل حاير
يا ليل في قلبي للشوق جرحين
ودموع عيني فوق خدي دراير

يا ليل فرق بيننا نازح البين
ولغيره الخفاق يا ليل عايف
يا ليل شفته مرة عذوب العين
وانا من الفرقة على القلب خايف

يا ليل ما حلى نظرت العين للعين
في غفلة الحساد تبرا الحسايف
يا ليل انا لي عن هوا القلب شهور
ليتك تقربلي عبير

قلتيلي انسي

https://www.youtube.com/watch?v=06WBR6KubC8