الله يمسيه بكل خير الواد محمد ابوشنب صاحب صالون حلاقة المقص الذهبى الواد كنت ادخل صالونه علشان احلق وانعم ذقنى والواد الله الوكيل كان كل ما ازور المحل يمرهم شعري ويثبت فيه ويشجعنى علي ان ادفع له وانا مبسوط وكلي انشكاح رغم اني عارف انه بيضحك علي شعري
مش عارف ليه افتكرت الواد ده اول ما سمعت الحكم علي ممدوح اسماعيل وعلي الشركاء والموظفين وبرائة نجله ربما لان قلبي اسود ولا لانى دايما لابس نظارة سوده وزى النيلة ؟ والله جايز ماهو انا فقري
ولكن لماذا برأت محكمة اول درجة ممدوح اسماعيل ولماذا ادانته محكمة الاستئناف
والاجابة ببساطة ان الاللي خرب خرب وان كان مات الف مواطن وزعلانين عليهم ياسيدى النسوان عندنا تخلفهم في دقيقة وان كان علي الفراق والحزن فحبيب الامة علية والسلام مات والدوام لله وحده . يبقي هنبكى علي ايه ؟
لكن الحرام ان سيد من الاسياد يتحبس , واذا كان علي الشعب اللي عمال علي بطال يتشدق بالموتى والعبارة 98 فقرار الكبار ان ممدوح ما يرجعش البلد تانى ومصر بلده برضه ويدخل ويخرج زى ما يحب ولا يعيش في لندن زي اخواته اللى هربوا مليارات البلد وان كان في نفسه انه يسيب بصمة وحاجة لولاده ولا حتة ارض صغيرة يبرتعوا فيها ولو حتى مية فدان فمفيش اي مشكله ابنه يطلع برائة و الفدادين علي قفا مين يشيل وليعتبرها النظام مكافأة اخر الخدمة ماهو كان الله يونس وحدته مجرد خيال مأته بس بأدين بتهبش وكفاية عليه الغربة اللي هو هيعشها بعيد عن بلده
وان كان اضاف الينا رقم جديد
1882ثورة عرابي
1919 ثورة الشعب مسلمك ومسيحى المسماة ثورة 19
1952 ثورة الضباط الاحرار يا علي
1967 النكسة
1970 التصحيح
1973 العبور
98 عبارة السلام
فهو زعوووووووووووووووووووووووم كبييييييييييييييييييييييييييييييييييير
ثم ان الحكم الاخير بسط الشعب وهى حكاية بسيطة وبلاش اي والله ببلاش وبتمزج الشعب وعلي رأي الشاعر
شعب هايف
شعب خايف
شعب عمره مايلملم شعرة من شعر القصيدة
بلدنا دمية بتلت ضفاير
ضفيرة منها جدلة نيل
والشعب جاهل
وعارف ان في مستحيل
ضفيرة تانية جدلة بحر من بحوره
والشعب عمره ماعرف بحوره
ماهو شعب هايف
شعب خايف
ضفيرة تالتة قصدى أصة
بنات في دش وعيونة بصة
ماهو شعب هايف
وعمرة ماصان شعرة من شعر العروسة
ليست هناك تعليقات:
إرسال تعليق