بعد فنجان القهوة اللي علي الريحة الواحد بيحس انه اتسنجف وعقبال امالتك تقولش محلل سياسي اقعد علي الكرسي الخشب اللي حيلتنا وهاتك يا فتوى اشمعنا الدكاترة الواحد منهم يا دوب يحط رجله في كلية الطب ويفتكر انه بقي متخصص في جميع بلاوى البدن
علشان ما تتوهش من العبد الضعيف بعد الفنجان اياه بفلي الجرايد وابدأ بمقالات الكبار إشي خالد وأشي ما عرفش ايه وكلهم علي لسانهم نفس الكلام يعنى لو امبارح ابو دقن قال كلمة الكلمة دى تنقح علي وراك سعادتهم وطبعا كفاية انك تعرف الكلمة اللي القاها سي دقن علشان تعرف رد الفعل في جميع المقالات يعنى بالترتيب
الجمهورية والمساء والاهرام المسائي . ستكون مقالتهم متناقضة ففي بداية المقال اثبات وفي نهايته نفي وربما العكس وذلك متروك لحرية الكاتب فنحن بلد دينه قراطى
اما الاخبار والاهرام والاسبوع فهم يؤيدون الاتجاه الذى تبناه اعلامىو ماسبيرو ومجلة الاذاعة والتلفزون
وطبعا ده اتجاه الامعيون وهم يفتخرون انهم النهضة ولاد البطة البيضة يابن البطة السوده يا وحش بكسر الحاء
طبعا معاليك بتسأل عن نزاهة المعارضة والصحف المستقلة وشعاهم مصر راحة علي فين ؟ هما ما يختلفوش كتير عن قرنى في سكة السلامة ومقالته الشهيرة: أبجنى تجدنى
يا راجل ؟؟؟؟؟؟؟؟؟؟؟؟ أى والله العظيم صحيح لما بينزلوا الورطة بيقولو : نشجب ونرفض والكلاااااااااااااااااااااااااااااام الكبير قوى لكن لحد إمتى هيتاجروا بهمومنا
يخرب بيت فنجان القهوة اللي هيدهولنى الدهولة السودة دى انا شربت قهوة ليه الليلة دى اكيد علشان الجو برد ومعنديش تكييف والمطبخ ما فيهوش غير قهوة وجنزبيل ولان المدام زى العادة نايمة عند امها يبقي اشرب قهوة . معاليك هتسال ليه قهوة ع الريحة مش سادة اصل بعيد عن البعيد هم البلد مرر لسانى
واللسان المر يطلع الكلام منه مر خاصة حلوة خاصة منى دى طالعة زى السكر تقولش عسل مصري - اخوكو نضيف هيجدول سرقاته وهداياه من الاهرام ابن المساكين كل اللي لهطه مليون ونص هدايا وده انجاز اخوانى انهم اكتشفوا المليون ونص يعنى الميكين كان بيهادوه بدرع كل سنه بس والدرع جاي من الدراع يعنى تصدق بذمتك ان سيادة رئيس مجلس الوزراء ما أخدش غير سبع درعات يا لهوى هتلغبطونى ما خدش غير كام دراع انا مش مصدق الكلام العبيط ده لما رئيس الحكومة اختلاساته كانت دروع يبقي اكيد الوزرا مساكين واختلاستهم صوابع ووكلائهم صابع واحد وليكن الوسطى والمحافظين تلقاهم ياروح مامتهم ما نبهمش من النهيبة غير العقلة !علي كل حال لو حد سألك مصر راحة فين ؟ قول لهم مصر راحت عند سليمان تشتى اصل عقبالك انا اتجوزت بنتها .
ملحوظة ما تنسونيش في النقطة اي ظرف بشلن وحط فيه شاى ناشف لزوم الشتا.
