تسلم الايادى
http:\\solimankotb.ucoz.com
بسمك انت ياروح الروح
بسم العقل وقلبي المدبوح
بسم العشق المخدوش
بكلامك
بسم هيامى
المجروح
بسم ولادنا
اللي ماجوش
بسم البت البيضة
الحلوة
اللي حلمنا هنخلفها
وهننصفها
وهنهديها
لمصر حبيبتى
قلتى هتربيها
ومن علمي
هتسقيها
ياما حلمت بيوسف شبهك
وقصير زيك بين اصحابه
ولسانه طويل
بيرطم بلغات ياما
كله نشاط بيسابق الريح
واحلامه كبيره
وبيقطف احلامه يوم ورا يوم
والبت حنية ابوها
بس بتنسي شوية
وبتنسي القسوة
وشبهى تمام
الشعر خفيف ومجعد
وبتتباهى بتجاعيده
دايما تبدأ حكاويها:انا مش حلوة
وجميلة
وفاهمة حجمى
البت سبحان الله مبسوطة
ونجحوا عيالنا
واختاروا نسبهم
بايديهم
وكبرنا يا حبيبتى
عيطتى علي كتفي
خايفة لاموت قبلك
بعد الشر عليكى
م القهر ياروحى
وغمضت عينية
علشان اتفرج علي الدفنة
سرادق مليان باصحابنا
والزملا في القهوة
وفي الجرنان
وعبده بيخبط علي كتفي
يا متر
يا استاذ
اتاريكى فتينى
في حلمى
وسفرتى
وعرفت ان حياتى معاكى
كانت احلام
وعيالنا ماتوا منك
وانت بتخطى
تربيزة القهوة وراحة جامعة عين شمس
ليست هناك تعليقات:
إرسال تعليق